Naberepika ti Department of Social Welfare and Development (DSWD) iti nasurok 400k a pamilya kas paset ti Pantawid Pamilyang Pilipino Program wenno 4P’s.
Makaawat dagitoy ti maysa a conditional cash assistance manipud iti ahensya a rumbeng a mailatang tapno masiguro a makastrek dagiti annak da iti eskwelaan.
Kinuna ni DSWD Asec. ken Spokesperson Irene Dumlao iti Pugay Tagumpay Ceremony a ti pakabuklan a bilang a 434,317 a pamilya iti sumaruno a maipaayan ti tiyansa nga agbalin a benepisyaryo ti programa.
Iti agdama, adda ti saan a bumaba iti 4 milyon a pamilya iti benepisyaryo iti sidong ti programa ket makawat dagitoy ti binulan a suporta pinansyal para iti kasapolan pang-salun-at dagitoy ken kanayunan a tulong pay para iti panagadal dagiti ubbing iti tunggal pagtaengan a benepisyaryo.
