Nainget ti panangmonitor ti Department of Social Welfare and Development (DSWD) Field Office-12 (SOCCSKSARGEN) iti kasasaad dagiti naapektaran a pamilia iti panagreggaay ti daga a napasamak sadiay Sultan Kudarat.
Indanon ti ahensia ti tulong kadagiti 184 a naapektaran a pamilia iti Barangay Pamatingan, Esperanza, Sultan Kudarat.
Maibasar iti report ti DSWD Field Office 12- SOCCSKSARGEN Regional Director Loreto Cabaya, siam a babbalay ti nadadael iti napasamak a panagreggaay ti daga.
Pito a pamilia ti agdama nga agnanaed iti barangay gymnasium idinto a dua a pamilia met ti nagdagus kadagiti kakabagianda.
Iti agdama, agtultuloy ti koordinasion ti DSWD regional office iti Esperanza LGU para iti augmentation kadagiti relief items.
