Pinasingkedan ni NBI Director Jaime Santigao a nangipiladan iti reklamo iti Department of Justice kontra iti dua a Pilipino ken maysa nga Chinese national gapu iti mapapati a panagtraydor ken panag-espiya ditoy Pilipinas.
Binigbig ti NBI ti chinese nga ni Yuanqing Deng ken dagiti Pilipino nga isuda Ronel Jojo Balundo Besa ken Jayson Amado Fernandez.
Iti press conference ni NBI Cybercrime Division chief Jeremy Lotoc, kinunana a naballigi ti pannakatiliw babaen ti tulong dagiti personnel manipud iti Armed Forces of the Philippines.
Segun kenni Lotoc, ti Chinese national a natiliwda ket nagturpos iti unibersidad nga ipatpataray ti People’s Liberation Army.
People’s Liberation Army ti awag iti militar ti Chinese Communist Party ken People’s Republic of China.
Eksperto met iti control engineering ti mapapati a Chinese spy a naarestar iti uneg ti kotse a minaneho ti dua a Pilipino.
Basar iti impormasyon ti NBI, nasurok lima a tawenen nga adda ditoy pagilian ti nasao nga Chinese Spy ken sleeper agent daitoy iti China.
Segun kenni AFP chief-of-Staff General Romeo Brawner Junior, agpaspasyar ken ages-espiya daitoy kadagiti Enhanced Defence Cooperation Agreement (EDCA) sites.
