Impasigurado ti Estados Unidos ti suporta kadagiti lokal nga autoridad iti Pilipinas iti panagbirokda iti American vlogger a ni Elliot Eastman, a nakidnap idiay Sibuco, Zamboanga Del Norte.
Maibasar iti statement ti US Embassy ditoy Pilipinas, aramidenda ti amin tapno matulongan dagiti otoridad ti Pilipinas a mangrescue iti biktima.
Impasigurado ti embahada a ti prioridadda ket ti pagimbagan ken kinatalged dagiti kailianda ditoy pagilian.
Silulukat met ti linya ti komunikasion para iti pamilia ti nadakamat nga American vlogger.
Ibatin ti Estados Unidos kadagiti otoridad ditoy Pilipinas ti panangisayangkatda iti operasion tapno natalged a maisalakan ti biktima.
Kabayatanna, kinumpirmaran ti PNP a nangbukel dan iti task force a mangipamaysa iti rescue operation para iti biktima.
