LA UNION – Inallokoy ti European Union Asia Pacific iti Pilipinas nga agsubli iti panagbalin na a miyembro ti International Criminal Court (ICC).
Segun kenni Asia and the Pacific – European External Action Service managing director Niclas Kvarnström, nasay-sayaat nga agbalin latta a miyembro ti ICC iti Pilipinas tapno mapasingkedan ti kooperasyon iti baetan da ti dadduma a pagilian.
Kinapudno na kunana, adda pay laeng iti sidong ti legal jurisdiction ti ICC iti Pilipinas laksid ti panag-withdraw na iti Rome Statute idi 2018.
Inlawlawag ni Kvarnström nga idi miyembro ti Pilipinas iti statute, sakopen na iti legal jurisdicion ti ICC nga uray immikaten daytoy.
Iti panagsubli ti Pilipinas ket paset laeng ti pormal a panangawat ti pagilian iti hurisdiksyon ti international court para iti mas nalawlawa ken nair-irut a kooperasyon ken panagtitinnulong.
Iti Pilipinas ket sigud nga state party ti Rome Statute, nga agserserbi a founding treaty ti ICC.
Idi 2018, nagpatulod ti pagilian ti notice to withdraw manipud statute, a nagbalin nga epektibo idi 2019, gaputi panang-dillaw idi ti international community iti war on drugs ni sigud a President Rodrigo Duterte.
Nupay kasta, itultuloy ti ICC iti imbestigasyon na iti maipagarop a crimes against humanity ken murder charges kontra kenni sigud a President Rodrigo Roa Duterte.
