LA UNION – Inaresto dagiti otoridad iti maysa a sigud a barangay kapitan ken maibilbilang a most wanted person iti pulisiya idiay Bangar, La Union.
Iti akusado ket nabigbig iti nagan nga Onofre Sabado, 50-anyos, residente ti Barangay Lusong Sur ti nasao nga ili.
Natiliw ti akusado babaen ti insayangkat a manhunt operation dagiti otoridad, maiyannurot iti warrant of arrest, a napetsaan ti Agosto 17, 2016, nga impaulog ti RTC Br 34 idiay Balaoan, La Union gapu iti sangsangwen na a kaso a panagrames.
Kagiddan ti pannaka-aresto ni Sabado, iti panangisuko na iti sumagmamano nga armas daytoy a saan a rehistrado.
Kabilang iti maysa nga m16 rifle, 2 a short magazines para iti nasao a klase ti paltog, maysa a cal. 38 revolver, maysa a fragmented grenade, ken naduma-duma pay a klase ti bala ti paltog.
Dagitoy ket naisumite metten iti PNP crime laboratory para iti ballistic examination.
Kabayatanna, nakabalud ita ti akusado kalpasan nga awan ti intuding ti korte a piyansa iti sangsangwen na a kaso a panagrames.
