LA UNION – Pinatawan ti contempt ti house quad committee ni sigud a PCSO chairman Royina Garma gaputi panagulbos ken saan a panagsungbat iti salodsod dagiti mammanday linteg.
Ni Abang lingkod Partylist Rep. Stephen Paduano iti nag-mosyon nga i-cite for contempt ni Garma.
Ni Garma ket naiditine iti detention facility ti House of Representatives (HOR) agingga a malpas iti panagdengngeg ti Quad Committee.
Nagbalin nga emosyunal wenno naganug-og ni Garma gaputi mosyon nga i-contempt daytoy.
Iti immuna a mosyon ni 1-rider partylist Rep Rodge Gutierrez ket ibalud ni Garma iti Womens Correctional idiay Mandaluyong City.
Nag-mosyon met ti sigud a pulis a ni Rep. Bonifacio Bosita nga ibalud ni Garma iti PNP Custodial Center, ngem nagpannuray ti immuna a mosyon nga ibakud daytoy idiay House of Representatives .
Inlawlawag met ni Rep. Ace Barbers a mabalin nga ibabawi ti komite iti contempt kenni Garma nu maki-tinnulong iti imbestigasyon ti komite seknan iti isyu ti extra judicial killings (EJK) ken illegal drugs.
