LA UNION – Agtultuloy nga im-imbestigaran ti pulisia ti pammapatay kadagiti dua a tattao agraman ti sigud a bise mayor idiay ili ti Pugo, La Union.
Immuna iti daytoy, dead on arrival iti pagagasan da Vincent Rafanan, 42-anyos, agnanaed idiay Brgy. Casilagan ken ex-vice mayor ti Sto. Tomas, La Union, kasta met ti kaduana a ni Beatriz Sacamoto, 31-anyos, a taga-Basista, Pangasinan.
Daytoy ket kalpasan a napalpaltogan bayat a nakasakayda iti kotse dagiti dua babaen ti riding in tandem suspects idiay Aspiras Highway, Brgy. Tabora East.
Iti pannakiuman ti Bombo Radyo ken ni PSI Julius Basallo, hepe ti Pugo Police Station, kinunana a nakangngegda laengen iti kanalbuong ti paltog, ket iti panagrespondeda iti lugar, nasangpetanda a nakadasay ti bagi dagiti biktima a napunno iti tama ti bala.
Naitaray pay iti La Union Medical Center idiay Agoo dagiti biktima ngem naideklara a pimmusay
Kabayatanna, naamuan manipud iti Sto. Tomas Police Station a Number 5 iti drug watchlist ni Rafanan.
Nakumpiskar iti nakapasamakan ti krimen dagiti nagawangan ti bala ti cal. 45 ken cal. 5.56 a paltog bayat nga agtultuloy ita a dukduktalen dagiti otoridad ti pakainaigan dagiti biktima iti tunggal maysa.
