BR LA UNION – Umaboten iti 142 a kaso ti fireworks-related injuries iti nailista ti Department of Health (DOH) dua nga aldaw sakbay ti baro a tawen.
Segun iti ahensya, iti napalabas a 24-oras nailista da iti 17 a baro a kaso ti naipadamag a nasugatan kadagiti iligal a paputok.
Daytoy ket nangat-ngato ti 35 percent a fireworks-related injuries ditoy pagilian kumpara idi 2023 a 105 a kaso laeng ti fireworks-related injuries a nailista ti DOH.
Nangipaay ti abiso ti ahensya iti publiko a liklikan iti panagusar iti iligal a paputok ken liklikan met iti panagsindi dagitoy tapno maliklikan ti peligro iti panangsarabo ti baro a tawen.
Ingkaso a maputukan iti iligal a paputok, ibal-balakad ti DOH a dagus nga agturong iti kaasetgan nga ospital iti lugar wenno tumawag laeng iti emergency number a 911 wenno 1555 para iti kasapolan nga atensiyon medikal.
