Saanen a kasapulan pay nga imbitaran ni sigua a Presidente Rodrigo Duterte tapno dumar-ay ti sumaruno a panagdengngeg ti House Quad Committee inton Disyembre 12 mainaig ti imbestigasyon ti extra judicial killings ti kampaniya na kontra ilegal a droga.0
Daitoy ti nagbalin a waragwag ni House quad-committee overall chairman Surigao del Norte 2nd district Rep. Robert Ace Barbers.
Kinunana, napespesen ti mega-panel ti sigud a president ti umdas nga impormasyon. Kayat na satwen, ti panagparang ni Duterte iti committee hearing idi Nobiembre 13 ket mabalin nga umuna ken maudi nan a panagdar-ay.
Inlawlawag ti mamanday-linteg a ti las-ud ti 13 nga oras a panagdengngeg ket nangngegan kenkuanan dagiti importante nga impormasyon nga immuna na metten nga imbutaktak idiay Senado.
Maipalagip nga immuna a dimmar-ay ti sigud a Presidente iti Senate Blue Ribbon Committee idi Oktubre 28 nu sadino ket nangipaay ti atiddog a testimonya ti sigud a lider ti pagilian.
Kabayatanna, kinuna ni Cong. Barbers nga agtultuloy pay ti House Quad Comm iti panangisayangkat da kadagiti panagdengngeg inton sumaruno a tawen mainaig kadagiti kaso ti extrajudicial killings iti sidong ti Duterte drug war.
