Awan ti nailista a casualties iti Russia kalpasan iti magnitude 8.8 a gingined a nagresulta ti tsunami kadagiti coastal areas iti makin-abagatan a paset ti nasao a pagilian.
Saan met a nadakamat iti bilang dagiti indibidwal a posible a nadundunor.
Segun kenni Dmitry Peskov, iti spokesperson ti Kremlin, nagbalin a napaspas iti panaggunay dagiti Tsunami warning systems, isu ta nakabakwit a dagos dagiti umili.
Innayon na pay, maysa a pammaneknek a dagiti pasdek wenno buildings ket addaan ti seismic resistance.
Kabayatanna, kinanselan ti gobierno ti Russia iti threat alert sadiay Kamchatka Peninsula a nakapasamakan ti gingined.
Malaksid iti Kamchatka Peninsula, inikkat metten ti distrito ti Severo-Kurilsky iti tsunami alert.
Sakbayna ket dinuprak ti tsunami iti distrito kangrunaan iti coastline ken dinadael dagiti bangka ket inyanod dagiti containers.
Numanpay naikkaten dagiti tsunami warning pakairamanan iti Sakhalin region, agtaltalinaed a naka-standby dagiti amin nga emergency services.
Iti sabali a bangir, inikkaten iti pagilian a Japan dagiti amin a tsunami warnings, segun iti Meteorological Agency ti nasao a pagilian. Ngem agtaltalinaed iti tsunami advisory idiay Hokkaido agingana idiay Okinawa.
Nag-erupt met iti kangatwan a bulkan ti Eurasia a Klyuchevskaya Sopkaidiay kalpasan iti napasamak a gingined sadiay Kamchatka region, Russia, segun iti state media.
Iti Klyuchevskaya Sopka ket maysa kadagiti world’s highest active volcanos ken addaan kangato a 4,750 meters (15,580 feet).#
