Temporario paylaeng nga isardeng ti Department of Social Welfare and Development (DSWD) ti panangipaay kadagiti guarantee letter (GL) manipud Disyembre 13.
Daitoy ket tapno makapokus ti ahensiya iti panag-asikaso kadagiti kasapulan a dokumento tapno mabayadan dagiti service providers nga agserserbi a partners da.
Segun kenni DSWD spokesperson Irene Dumlao, saan da paylaeng a makaited ti guarantee letter kdagiti residente nga adaan iti medical ken funeral expenses nga aggatad iti P10,000 pangato.
Inlawlawag ti opisyal a saan a kayat a satwen daitoy nga agkurang ti pondo ti ahensiya nu di ket kasapulan laeng a pokusan dagiti dadduma pay a responsibilidad da.
Malaksid iti GL, kinuna ni Dumlao ng agtultuloy latta iti dadduma pay a programa a panagtulong kadagiti agkasapulan kas iti panangipaay ti cash iti sidong ti Assistance to Individual Crisis Situation (AICS).
Impasiguro na a nu nairmisen iti am-amin nga obligasyon da ti DSWD kadagiti service provider ket maited da manen dagiti guarantee letter kadagiti agkasapulan.
