Iruaren inton bulan ti Pebrero ti Department of Health (DOH) dagiti guidelines para ti Medical Assistance to Indigent and Financially Incapacitated Patients (MAIFIP) program.
Imbatad ni DOH Secretary Ted Herbosa tarigagay daitoy a mapalaka ti kasasaad dagiti pasyente babaen ti saanen a panagkiddaw pay ti surat kadagiti politiko tunggal isuda ket agpaagas kadagiti ospital ti gobierno.
Daitoy a programa ket naikkan ti alokasyon ita a tawen ti P51-B ken kiniddaw ti ahensya a mapangato ti pondo tapno mapalawa ti implementasyon ti zero-balance billing policy.
Nagbalin a kontrobersyal ti MAIFIP iti deliberasyon ti 2026 national budget gapo iti saan na a pannakai-linya ti Universal Health Care Act.
