LA UNION – Apagapaman a pimmigsa iti bagyo Carina ken pimmaspas bayat nga agtaltalinaed iti kabaybayan ti Pilipinas.
Naudi a nasaripatpatan ti PAGASA iti kaadayu a 320 kilometro daya ti Basco, Batanes wenno 405 kilometro daya amianan-a-daya ti Aparri, Cagayan.
Kabuyog ti angin a 140 km/h asideg iti sentro ken kapegges nga 170 km/h.
Agtur-turong iti amianan-a-laud iti kapaspas a 15 km/h.
Maibasar iti track forecast, awan ti direkta nga epekto ti bagyo CARINA iti kadagaan, ngem pinapigsa na iti habagat, a mangipapaay ti sagpamisan a napigsa a panagtudo.
Namnamaen a rumwar iti Philippine Area of Responsibility (PAR) iti bagyo Carina inton bigat ti rabii (July 24) wenni rabii ti Huwebes (July 25).
Tropical Cyclone Wind Signal no. 2 idiay Batanes (Itbayat, Basco, Mahatao, Uyugan, Ivana).
Tropical Cyclone Wind Signal no. 1 idiay:
- Nabatbati a parte ti Batanes (Sabtang),
- Babuyan Islands
- Cagayan
- Eastern portion of Isabela (Divilacan, Palanan, Maconacon, Dinapigue, Tumauini, Ilagan City, San Mariano, Cabagan, San Pablo, Santa
Maria) - Northern portion of Apayao (Calanasan, Luna, Pudtol, Flora, Santa Marcela),
- Northern portion of Ilocos Norte (Pagudpud, Bangui, Adams, Dumalneg, Burgos, Vintar),
- Northern portion of Aurora (Dilasag, Casiguran),
- Polillo Islands,
- Calaguas Islands,
- Northern portion of Catanduanes (Pandan, Bagamanoc, Panganiban, Viga, Gigmoto, Caramoran)
Gaputi napigsa ken nalawa nga epekto ti habagat, segun pay iti PAGASA, makapadas ti panagtudo a 100-200 mm rainfall idiay Batanes, Babuyan Islands, northern ken eastern portion ti Mainland Cagayan, agraman Ilocos Sur .
Kabayatanna, 50-100 mm a panagtudo iti posible met a mapasaran iti Ilocos Norte, La Union, Abra, Benguet, Apayao, eastern portion ti Isabela ken iti nabatbati a parte ti Cagayan.
