LA UNION – Nagyaman ni House Speaker Ferdinand Martin G. Romualdez iti kari ti maysa a dackel a grupo dagiti rice traders a tumulong da iti pannakaibaba ti presyo ti bagas iti P9 kada kilo iti sumarsaruno a bulan.
Iti addang ket pannaki-kaysa ti nasao a grupo iti administrasyon ni Pres. Ferdinand Marcos Jr. , iti tarigagay nga agbalin nga affordable ti presyo wenno kabaelan a gatangen ti bagas iti merkado.
Segun iti grupo dagiti local traders, magatang ti bagas iti baetan ti P42 agingga P49 kada kilo, apaman a bumaba a taripa iti imported a bagas.
Iti patta-patta, iti presyo ti bagas inton Hulyo ken Agosto ket agay-ayam iti P45-P46 kada kilo para iti well-milled rice a kangrunaan nga ikon-konsumo ti kaadwan nga ordinaryo a Pilipino, bayat a ti premium rice a 5 percent broken ket agay-ayam iti P47 agingga P48 kada kilo.
Iti naisayangkat a panagtataripnong ket dinar-ayan da Rowena Sadicon, ti founder ken lead convenor ti Philippine Rice Industry Stakeholders Movement (PRISM) ken co-founder Orly Manuntag a tagapagsarita ti GRECON (Grain Retailers Confederation of the Philippines).
