LA UNION – Nakabaluden ken nakasagana a maidatagan iti kaso ti nakemmeg a high value target drug personality iti naisayangkat a search operation idiay Barangay Lingsat, San Fernando City, La Union.
Nabigbig daytoy a ni Allan Filemon Casugay, 53-anyos, miembro ti Flores-Galvez drug group.
Nakumpiskar iti panagsawar dagiti otoridad iti balayna ken ti pakidagdagusanna a pagtaengan ti lima a sachet ti shabu nga agdagsen iti 0.2 grams ken dadduma pay a drug paraphernalia.
Naituding daytoyen a maidatagan iti kaso a panaglabsing iti RA 9165 wenno Comprehensive Dangerous Drugs Act of 2002.
