Inlawlawag ti Malacañang nga awan ti naibilin nga internal investigation kasaruno ti panakaikkat dagiti sumagmamano a nangato nga opisial, pakairamanan ni sigud nga Executive secretary Lucas Bersamin, Budget Secretary Amenah Pangandaman, ken imbestigasyon kadagiti sumagmamano nga undersecretaries a maipagarop a karaman iti “conspiracy to commit plunder.”
Segun kenni Palace Press Officer Undersecretary Claire Castro, mangun-una ti Independent Commission for Infrastructure iti panangusig kadagiti isyu mainaig iti maipagarup nga anomalia iti flood control ken infrastructure projects, tapno masigurado ti independiente ken impartial a proseso.
Inwaksi na iti espekulasion nga amin nga opisial ket maim-imbestigaran, ken impaganetget nga iti banbantayan ti presidente ket performance review ti gabinete – a paset ti regular a proseso.
Impaganetget ni Castro nga uray naipalubos iti resignation ket dina kayat a sawen a maliklikanda iti responsabilidad.
Innayon na pay nga iti prosecution ken imbestigasion ket nakapaiman iti ICI, Ombudsman, ken DOJ, ken awan ti sinoman nga opisial wenno pribado nga indibidual iti exempted wenno mailaksid iti accountability.#
