LA UNION – Inyanunsyo ti National Disaster Risk Reduction and Management Council (NDRRMC) nga impasidong dan iti ‘La Niña alert status’ ti intero a Pilipinas.
Nadetermina ti NDRRMC a 66% a nabukelen ti La Niña ditoy pagilian, iti panawen a sakop ti September-October-November 2024.
Gaputi dayta, isag-saganan dagiti member-agencies dagiti maiparbeng nga addang a sungbat iti epketo daytoy iti pagbiagan, iti sanikua, public infrastructure, ken dadduma pay.
Segun iti konseho, kabuyog ti La Niña iti napaut wenno atiddog a panagtudo, napipigsa a bagyo, monsoon rains, ken dadduma pay a kapada nga abnormalidad iti panawen.
Iti La Niña ket maysa nga abnormalidad a panawen, atiddog a panagtudo ken ababa a panawen ti kalgaw.
Iti sidong daytoy, napigpigsa iti namnamaen a rainfall wenno panagtudo kumpara iti normal a panagtudo ditoy pagilian.
Masansan a lumammiis ti temperatura a magiddanan iti nalammiis nga angin.
