Nagpalagip ti Department of Health (DOH) iti publiko nga augalien ti agannad ken aglinis iti bagbagi kasaruno metten ti panagngato daiti kaso ti sakit nga adda pakainaigan na ti panagtudo.
Pagan-annaden ti ahensya ti publiko kontra kadagiti W.I.L.D. diseases wenno dagiti Water and food-borne diseases, Influenza-like illnesses, Leptospirosis, and Dengue.
Segun iti datos ti DOH, manipud 9,995 ti nailista da nga Influenza-like illnesses ditoy pagilian agingga Pebrero a kimmagudwa ti imbaba na nu maidasig ti kapada a panawen idi bulan ti 2024.
Nairekord ti panagngato ti kaso idi umuna a lawas ti tawen wenno manipud Enero 5 agingga Enero 18 a doble nu idasig idi Disyembre 22, 2024 agingga Enero 4, 2025.
Ngimmato pay ti walo a porsyento ti kaso ti Leptospirosis ditoy pagilian iti 422 manipud iti 392 idi napalabas a tawen.
Kapada metlaeng a nakitaan ti upward trend dagiti kaso ti Denguen a dumanon ti 28,234 manipud panangrugi ti Pebrero; katupag daitoy iti 40% a panagngato nu idasig idi 2024.
Agtultuloy ti panangpalagip ti DOH nga agpakonsulta a dagos nu makapadpadas kadagiti sintomas ti nasao nga sakit tapno maliklikan ti aniaman a komplikasyon.
