Nasuspindir amin a klase ken on-site school activities idiay Batangas City Integrated High School ita nga aldaw ti Lunes, Hunyo 29, gapo iti pangta ti pammaltog.
Agtalinaed a kanselado dagitoy agingga saan a mangiruar ti baro a pakaammo ti liderato iti pagadalan.
Naipatungpal ti addang tapno masiguro ti kinatalged dagiti estudyante, mannursuro, on-teaching personnel, nagannak, ken dadduma pay a miembro ti school community.
Makikokoordinaren ti pagadalan kadagiti otoridad kabayatan iti panagtuloy ti imbestigasyon.
Segun kenni Police Lieutenant Sharen Ama, Public Information Officer ti Batangas City Police, naipatulod iti panagpangta babaen ti Facebook page iti Batangas City Integrated High School.
Segun iti saan pay a nabigbig a suspek, paltogan na dagiti estudyante manipud Grade 7 agingga Grade 10.
Nagusar daitoy iti dummy account ken nagpaam-ammo kas Grade 10 student a biktima ti bullying.
Ti nasao a panagpangta ket sumagmamano laeng nga aldaw kalpasan ti pammaltog metlaeng iti maysa a pagadalan idiay Tacloban City a nakatayan dagiti tallo nga estudyante ken nakadunoran dagiti 20 a sabali pay.
