Makipamaysa ti Kingdom of Jesus Christ (KOJC) ni Quiboloy iti Enero 13 a peace rally ti Iglesia ni Cristo (INC) ni Manalo sadiay Quirino Grandstand, Manila.
Iti statement manipud KOJC, kinunada a binigbig ni Quiboloy ti addang ti INC a mangummong kadagiti minilion a tattao, pakairamanan dagiti dadduma pay a grupo.
Tarigagay da kunana ti kinalawag iti panunot dagiti umili para iti kinatalged ken urnos.
Kayat met ti KOJC ti nainkalintegan a lider a mangidaulo iti pagilian, nangruna no panawen ti riribuk.
Kabayatanna, inyanunsyo met ti Presidential Communications Office (PCO) a masuspende ti serrek kadagiti opisina ti gobierno ken amin a lebel dagiti pribado ken pampubliko a pagadalan iti siudad ti Manila ken Pasay inton Enero 13, 2025 aldaw ti Lunes, kas maiyannurot iti Memorandum Circular No. 76 .
Mangiplaplaubos daitoy ti naannayas a panakaisayangkat ti “National Rally for Peace” a manamnama a tabunuan ti adu a tattao.
