Nakaituding nga ikkaten ti National Police Commission (NAPOLCOM) ti kontrol wenno bileg ni San Simon Mayor Abundio “JP” Punsalan Jr. iti lokal a pulisya ti Ibajay kalpasan a mairaman daytoy iti extortion iti probinsya.
Segun kenni NAPOLCOM Commissioner Vice Chairperson ken Executive Officer Atty. Rafael Vicente Calinisan, inlawlawag na a nangipila dan iti suspension of police power and control kontra kenni Punsalan ngem saan pay nga epektibo iti agdama.
Dagos met a maianunsyo no epektibon iti order nga iti agdama ket maiprosproseso.
Nangipila ti inisyatibo ken direktiba ni Calinisan iti Inspection, Monitoring and Investigation Service (IMIS) a mangisayangkat ti panangimbestar wenno motu proprio investigation mainaig iti ‘full revocation of the authority’ dagiti lokal nga opisyal para iti nasken a panagkontrol iti local police force kadagiti probinsia.
Kabayatanna, maipalagip a naarestar iti alkalde karaman dagiti lima a security personnel na iti maysa nga entrapment operation nga insayangkat ti National Bureau of Investigation (NBI) Intelligence Service gapo iti extortion wenno panangkikil iti maysa nga steel company ti P80 million kasukat ti maysa a favorable local resolution.
Iti agdama, addan iti kustodiya ti NBI iti alkalde nga sumangsango ti nagtutuon a kaso.#
