LA UNION – Impakita ti Department of Interior and Local Government(DILG) iti detention facility a temporaryo a pakaibaludan ni Kingdom of Jesus Christ founder Apollo Quiboloy.
Iti presscon idi kalman nga indaulwan ti DILG, imprisenta ni Interior Secretary Benhur Abalos Jr. iti maysa a video a seknan iti detention room ni Quiboloy.
Malaksid iti kuwarto ni Quiboloy, naipakita pay ti room dagiti uppat a kakadwa na, nga addaan ti kama, saggaysa nga electric fan, tugaw, pagikabilan ti danum, ken bassit a comfort room iti uneg mismo ti kwarto.
Makita pay a nadalus dagiti nasao a room maibasar iti video nga inruar ti DILG.
Immunan nga imbaga ni Abalos nga awan ti special treatment kenni Quiboloy ken kakadwana, kasaruno ti pannakatiliw dagitoy .
Iti grupo ni Quiboloy ket pada-pada a naiturong iti PNP Custodial Center idiay Camp General Rafael T. Crame, iti national headquarters ti Philippine National Police idiay Quezon City.
Kabilang pay nga agtalinaed iti nasao a pasilidad ti naikkat a mayor ti Bamban, Tarlac a ni Alice Leal Guo.
