LA UNION – Posible a mabukel iti maysa a ‘weak La Niña’ iti sumaruno a tallo a bulan, segun iti United Nations – World Meteorological Organization.
Segun iti ahensiya, iti La Niña a mabukel ket posible nga agbalin a short-lived wenno saan nga agpaut ken nakapsot laeng daytoy.
Segun iti UN-based weather agency, 55% ti posibilidad nga ag-transition ti agdama a neutral condition agturong iti La Niña manipud December 2024 agingga February 2025.
Segun kenni WMO Secretary-General Celeste Saulo, kabuyog daytoy iti namnamaen a panaglammin ti temperatura iti kabaybayan a sakop ti Pacific Ocean ken iti panagbaliw ti tropical atmospheric circulation wenno sirkulasyon ti angin iti tropical countries.
Dackel met iti posibilidad nga apektaran na iti rainfall volume kadagiti pagilian makapadas ti nasao a weather phenomenon.
