Sinigurado ni House Deputy Speaker ken La Union Representative Paolo Ortega nga nga awan iti ghost ken substandard a flood control projects iti La Union gaputa nainget a banbantayan iti lokal a gobierno.
Segun kenni Ortega, tunggal proyekto a tamtamingen ti Department of Public Works and Highways ket nasayaat a naimplementar ken kompleto no maibasar ti standard, ken sinigurado na pay nga amin a pondo ket nausar nga addaan ti transparency ken accountability.
Inpaganetget na nga saan lang nga iti distrito ti La Union no di ket pati iti sibubukel a rehiyon ket awanan ti ghost ken palpak a flood control projects.
Sinungbatan pay ni Ortega dagiti alegasyon nga adda impluwensya dagiti mamanday-linteg kadagiti contractors, kenuna nga unfair daytoy gapo ta saan nga isuda iti nangpili dagiti contractors, ken iti trabaho da laeng ket iyasideg dagiti problema ti umili iti gobyerno ken no mapalubosan ket DPWH iti mangipatungpal.
Kabayatanna, silulukat met isuna iti posible ken anyaman nga imbestigasyon. (Bombo Emil John Panelo)
