Pinaglibakan ni Senate President Pro Tempore Panfilo “Ping” Lacson iti agwarwaras a damag online nga adda ti kabaruan a panagbalbaliw iti liderato ti Senado a mangibagbaga a ni Senador Alan Peter Cayetano ket addaan ti umdas a bilang tapno agbalin a Senate President.
Segun kenni Lacson, iti nasao a damag ket “peke” ken addaan panggep a mangallilaw ken manggulo.
Inawagan na pay daytoy a “Faky Breaky News” a maysa a desperado ken malisyoso nga addang.
Iti umno a proseso iti panagsukat ti liderato ket rumbeng a maaramid iti uneg ti Senado ken saan a babaen dagiti peke a media outlet.
Kabayatanna, inlawlawag ni Senador Sherwin Gatchalian nga awan ti baro a panagbabaliw iti liderato ken tarigagay ti mayorya nga agtalinaed a natibker iti Senado kangrunaan iti kangitingitan dagiti isyu kas iti maanomalya a flood control projects.###
