LA UNION – Saan pay laeng a masinunuo dagiti otoridad no sadino a naglemmeng ti lider ti Sadeek Drug Group a nakalibas iti naisayangkat a buy bust operation iti mismo a plaza ti San Fernando City, La Union idi rabii.
Immunan a nakemmeg da John Michael Garcia ken Kendra Gail Atinguey nga agpada a nagtaud idiay Baguio City kalpasan a na-corner ti nagtipon a puersa ti PDEA ken pulisia bayat a nakakumpiskarda iti uppat a sachet ti shabu ken P1,000 a buy bust money.
Segun ken ni PSI Marissa Patacsil, information officer ti San Fernando City Police Station, agtultuloy a sapsapulen dagiti otoridad ti lider ti Sadeek Drug Group a ni Christian Alviar a maibagbaga a nadundunor kalpasan a nakipinnaltog kadagiti otoridad.
Kabayatanna, mapukpukaw pay laeng ti armas ni Garcia idi nakipinnaltog kadagiti pulis.
