LA UNION – Inawagan ni Lingayen-Dagupan Archbishop Socrates Villegas iti CHINA kas “threat” wenno pangta iti soberenya iti Pilipinas, nga addaan ti manangallilaw a panggep tapno gam-gamen iti kabaybayan a gameng wenno sanikua ti Pilipinas.
Inawagan pay iti Arsobispo a panag-probokar iti ar-aramiden ti China kontra kadagiti barko ti Philippine Coast Guard partikular idiay Escoda Shoal wenno Sabina Shoal, a sakop ti exclusive economic zone ti Pilipinas.
Imballaag na iti posible nga infiltration wenno pannakas-treken dagiti assets ti China iti gobyerno ti Pilipinas, kas maibasar iti insayangkat nga imbestigasyon iti agpada a House of Representatives ken Senado.
Kinuna na a maisalungasing daytoy iti soberenya ken independensiya ti Pilipinas.
Binabalaw ni Villegas iti kinalukay dagiti agtuturay ti gobyerno, gapu kunana iti panangi-palubos kadagiti gangannaet nga addaan ti dakes a panggep, dagiti mananggundaway, tapno makaala iti dokumento para iti panag-serrek ken panag-naed da ditoy pagilian, ken kabaelan da pay nga agbalin a natural-born Filipino citizens tapno laeng makagun-od ti posisyon iti gobyerno ti Pilipinas.
Dinakamat ni Villegas iti ’ Encyclical, Laudato Si’ ni Pope Francis’ a kunana ditoy……. faithful’s responsibility to their “common home” and defend it against destructive forces, such as greed and arrogance.
Innalokoy na dagiti mammanday linteg nga agtalinaed a napudno iti imbestigasyon dagitoy, partikular iti isyu dagiti Chinese infiltrators.
Panawaganna iti HUDIKATURA, dagiti prosecutors ken judges, nga agbalin a napudno iti sinapataan da a mandato kas ADMINISTRADOR TI HUSTISIYA, tapno makita da iti proseksuyon ken pannusa a mabalin a maipataw kadagiti mangtag-tagibassit iti proseso ti linteg wenno judicial system ditoy pagilian.
Iti likudan dagitoy a pas-pasamak iti pagilian, mangnamnama ni Archbishop Villegas nga iti puwersa ti Pilipinas, dagiti uniformed personnel nga agpat-patrolya ken mangsal-salaknib iti sakop a kabaybayan, ket maited kadakuada iti naan-anay ken maiparbeng a suporta ti gobyerno.
Agpada iti Pilipinas ken China a claimant iti territorial dispute, ngem iti China ket tag-tagikuaen na iti ad-adu wenno dac-dackel a paset ti South China Sea, a pakaibilangan ti West Philippine Sea, babaen iti inawagan da a ten-dash line.
Ngem dayta a claim ti China ket nagbalin nga imbalido, maiyannurot iti July 2016 international tribunal ruling.
Iti laksid dayta a ruling, intul-tuloy lattan ti China a gam-gamen iti kabaybayan a teritoryo ti Pilipinas, babaen iti panagusar na iti nadursok nga aksiyon wenno aggression ken militarisasyon iti mismo a teritoryo ti Pilipinas idiay West Philippine Sea.
Iyaw-awis ni Lingayen-Dagupan Archbishop Socrates Villegas iti publiko a makipaset iti Rosary Campaign, manipud June 27 agingga iti Solemnity of the Assumption inton August 15.
Al-allokoyen na dagiti Katoliko nga ag-fasting nu kabaelan, agkararag, i-kumpisar dagiti inaramid a bas-basol, agbabawi ken agaramid kadagiti maiparbeng wenno nasayaat a kababalin.
