Kiniddaw ni Senadora Imee Marcos iti ading na a ni Presidente Ferdinand “Bongbong” Marcos Junior a temporario a maikkat iti puesto dagiti dadduma nga opisyales ti National Bureau of Investigation (NBI) kasaruno iti napasamak a standoff idiay Senado.
Iti surat ti Senadora ket partikular na a kiniddaw a ma-relieve dagiti sumaganad nga NBI officials:
- NBI Director Atty. Melvin Matibag
- NBI-NCR Chief Atty. Emeterio Dongallo Jr.
- NBI-Organized ken Transnational Crime Division Chief Atty. Jerome Bomediano
Pagaammo a ti NBI ti mapagduduaan a naggandat a sumrek idiay uneg ti Senado nu sadinno ket napasamak iti pammaltog.
Nakailanad pay iti surat a kasapulan ti nasao nga addang tapno mapagtalinaed ti integridad ken kredibilidad iti maisaysayangkat nga imbestigasyon.
