Impasigurado ti management dagiti local airlines ti kinasaganada iti panagakar dagiti pasahero nga agsubli iti bukodda a lugar kalpasan ti napaut a bakasion.
Segun iti maysa nga airline company, agtaltalinaed nga alerto ken nakasagana amin a personnel-da kadagiti kangrunaan nga eropuerto ditoy pagilian.
Panggep daytoy nga addang a tapno agtalinaed a naannayas ti kapadasan ti panagbiahe dagiti pasahero.
Manipud idi kalman, kinunana ket nangato ti bilang dagiti pasahero nga agsubsubli idiay Manila manipud iti napaut a bakasion kabayatan ti holiday season.
Maibasar ti datos ti kompania, manipud Disiembre 16, 2024, agingga iti Enero 6, 2025, nasurok nga 400,000 a pasahero ti naakomodar da – nangatngato daytoy a bilang no idilig iti bilang dagiti pasahero a naakomodarda idi napan a tawen bayat ti isu met laeng a panawen.
