LA UNION – Natay ti maysa a senior citizen nga agbisbisikleta kalpasan a nadayanggus ti maysa a van idiay Barangay Santa Fe, Agoo, La Union.
Immuna iti daytoy, nakabisikleta iti deppaar ti McArthur highway ti biktima a ni Ceferino Villanueva, 70-anyos, residente iti Namboongan, Sto. Tomas idi kellaat a madungpar ti van a minaneho ni Pio Aguinaldo, 53-anyos, taga-Sanchez, Asingan, Pangasinan.
Gapu iti dayta, naipurwak ti biktima ken nagsagaba iti nakaro a sugat iti bagida.
Dagus met a naitaray ni Villanueva iti La Union Medical Center idiay Agoo ngem indeklara ti doktor a dead on arrival.
