Awan ti ammo ti Palasyo ti Malacañang mainaig iti damag a mapapati a nagaplikar ti aylum ni sigud a presidente Rodrigo Roa Duterte idiay China.
Segun kenni Palace Press Officer Claire Castro, awan ti naawat da nga aniaman nga impormasyon sekanan ti nasao a banag.
Ti kakaisuna laeng a nagun-od da nga impormasyon mainaig iti daitoy ket ti panagawid ti sigud a presidente ditoy pagilian nga naggapo sadiay Hong Kong.
Nupay kasta, adda met ti naawat ti Palasyo manipud iti mapagtalkan a source a pinagkedkedan ti China iti kiddaw ni FPRRD.
Mainaig met iti dayta, pinaglibakan ti sigud a Presidential Spokesperson Harry Roque ti naawat ti Malacañang ken kinunana a saan met a miembro ti China ken Hongkong iti 1951 Convention on the Rights of Refugees and Asylum Seekers isu nga imposible a makaaplikar ti asylum ti nasao a pagilian ti sigud a Presidente.
