BR LA UNION – Kinumpirma ti Philippine Navy a nasaripatpatan iti aganay walo a barko nga escorts ti Chinese aircraft carrier a Shandong idiay Northern Luzon.
Segun iti Philippine Navy, adda ti innem a barko panggubat iti na-monitor ken dua a support vessels.
Inpadamag met ni Navy spokesperson for the WPS, Rear Admiral Roy Vincent Trinidad nga immuna a naispatan dagiti 9 a barko iti 300 nautical miles amianan-a-laud ti Burgos, Ilocos Norte ken naudi a nasaripatpatan idiay Cagayan idi aldaw ti Miyerkules, Abril 23.
Kinuna na a maysa daytoy kadagiti kadackelan ken naisang-sangayan a formations a na-monitor da.
Kinuna na nga agtultuloy a mapaliiw dagiti barko ti China agingga a dandani makadanonen dagitoy iti pungto ti exclusive economic zone (EEZ) ti Pilipinas iti lumaod a paset ti Cagayan idi rabii ti Miyerkules.
Maipalagip nga immuna a kinumpirma ni Navy spokesperson Capt. John Percie Alcos iti presensiya ti Chinese aircraft carrier ken Type 815A Chinese electronic surveillance ship.
Segun kenni Rear Adm. Trinidad, inladawanna ti nasao a surveillance ship kas maysa a support vessel.
