Saan a suportaran ti Malakanyang ti naipila nga impeachment complaint maibusor kenni VP Sara Duterte.
Daitoy ti impaganetget ni Executive Secretary Lucas Bersamin ti maysa nga interview kalpasan a naangay ti 5th State Conference on the UNCAC Implementation and Review idiay Malacañang.
Segun kenni Bersamin, awan ti bibyang ti Office of the President iti pannakaipila ti impeachment complaint agsipud ta nalawag ti nagbalin nga waragwag ni Presidente Ferdinand Marcos Jr. a saan na kayat a matuloy daitoy gapo ta masayang laeng ti oras a para kuma kadagiti sabali a napatpateg a banbanag.
Imbatad ni Bersamin a siguraduen ti House of Representatives nga idalan da ti impeachment ti naikalintegan nga proseso.
Impaganetget ni Bersamin, awanen ti sungbat ti Office of the President gapo ta nalawagen dagiti immun-una a waragawag ti Presidente.
