Nangipaulog ti precautionary hold departure order (PHDO) ti Branch 52 iti Manila Regional Trial Court kontra kada Jinggoy Ejercito Estrada ken dagiti dadduma pay nga opisyales ti Department of Public Works and Highways (DPWH) mainaig ti kaso a plunder ken ti mapapati nga anomalya dagiti flood control projects idiay Bulacan.
Segun iti pammilin nga impaulog idi Pebrero 10, 2026 ni Presiding Judge Juan Ranola Jr., nabilin ti Bureau of Immigration a lapdan ti panagbiahe dagiti respondents bayat nga agtultuloy paylaeng ti imbestigasyon ti kaso.
Karaman kadagiti nanaganan ket isuda sigud a DPWH Secretary Manuel Bonoan, sigud nga Undersecretary Roberto Bernardo, ken dagiti district engineers nga isuda Henry Alcantara ken Gerard Opulencia.
Nairaman pay iti nasao nga order ni Cathy Cabral a mapapati a nagpakamatay idi Disyembre 2025.
Segun iti Department of Justice (DOJ), tarigagay ti precautionary hold departure order a sigurado a sumango ti proseso dagiti akusado.
Maibasar met ti report manipud Commission on Audit (COA), aganay P275M a flood control projects idiay Bulacan ti addaan iregularidad.
Nangipilan ti counter-affidavit ni Bonoan ken nangipeksa pay ketdi ti plano nga agbiahe agturong Estados Unidos bayat nga awan pay met ti sungbat manipud kampo ni Estrada.
