LA UNION – Napaay dagiti otoridad a mangkemmeg iti maysa a mister a nabiit pay a nakaruar iti pagbaludan a subject ti naisayangkat a search operation idiay Brgy. Sevilla, siudad ti San Fernando.
Daytoy ket kalpasan a saan a nasangpetan dagiti otoridad ti subject ti search operation a ni Romeo Viernes alyas Panot a residente iti Purok 3.
Iti baet daytoy, nakumpiskar iti pagtaenganna ti uppat a sachet a naglaon iti marijuana ken dadduma pay a drug paraphernalia.
Segun kadagiti kabbalay ni Viernes, saan daytoy a permanente nga agnanaed iti lugar.
Naamuan pay a siguden a naibalud ni Viernes idi 2013 gapu iti kasona a panagtakaw ken karaman iti watchlist ti Barangay Anti-illegal Drugs Abuse Council ngem saan a simmuksuko kadagiti otoridad.
