Inruar ti Department of Budget and Management iti maudi a balanse ti health emergency allowance para kadagiti health workers a nagsirbi iti kangitingitan ti COVID-19 manipud tawen 2021 agingana 2023.
Sakupen ti balanse dagiti 1,411,546 claims nga ur-urayen dagiti Lokal a Gobierno, pribado nga health facilities, state universities, ken sumagmamango nga institusyon kadagiti naduma-duma a rehiyon.
Segun kenni Budget Secretary Amenah Pangandaman, naaprobaran iti special allotment release order ti Department of Health ken nagtaud iti pondo iti Strengthening Assistance for Government Infrastructure and Social Programs kadagiti unprogrammed appropriations ti 2025 national budget.
Daytoy metten iti maudi a paset ti Public Health Emergency Benefits and Allowances nga obligasyon ti gobyerno.
Kabayatanna, inallukoy ti sekretaryo iti DOH a dagos nga ipaay iti Public Health Emergency Benefits and Allowances kadagiti health sector workers iti kabiitan a panawen.###
