BR LA UNION – Nasarakan ti maysa a bangkay ti lalaki idiay San Gabriel La Union a sakopen ti Sitio Padang, Brgy. Bumbuneg San Gabriel La Union agarop alas dose kwarenta ti bigat idi Mayo 29, 2025.
Nabigbig ti biktima nga agtawen ti 30, awanan asawa, truck driver ken residente ti Brgy. San Cornelio, Caba La Union.
Maibasar iti inisyal nga imbetigasyon ti San Gabriel Police Station, naki-in-ninom ti biktima iti katrabahuan na iti barracks dagitoy, idi kellaat a pimmanaw ken napan naginana iti maysa nga isuzu elf truck, agmaris ti azul, ken addaan plate number – CBN 9879 a nakaparada asideg iti barracks dagitoy.
Ngem idi mapan ayaban ti kadwa na ket maipagarop a saanna metten a mariing daytoy.
Dagus a dimmawat ti tulong iti katrabahuan ti biktima iti cuerpo ti pulisiya ket dagus met a nagresponde dagiti otoridad.
Nangiwayat dagiti otoridad ti basic life support agingga a naiturong ti biktima idiay Bacnotan District Hospital ngem naideklara a dead on arrival babaen iti attending physician a ni Dr. Ana Claire Pagnas-Buyagao.
Maibasar iti medical report, pimmusay ti nasao a lalaki gaputi sakit a Hypertension.
Maibasar pay iti report awan ti nakita a foul play ken awan ti physical contact a nakita dagiti otoridad iti pimmusay a lalaki.
