BR LA UNION – Impa-aresto ti maysa a mister ti bukod na a misis kalpasan a maipagarop a naaktuan na nga adda kaidda na a sabali iti mismo a kuwarto da nga agassawa.
Maibasar iti report ti Naguilian Police Station, nag-report ti 37-anyos a mister, driver, ken residente ti Barangay Bariquir, ken in-reklamo na ti bukod na a misis nga agtawen ti 32, maysa a virtual assistant, a maipagarop a naki-kaidda ti sabali a driver, agtawen ti 29, residente ti Barangay Angin, Naguilian, La Union.
Nagresponde dagiti otoridad ket nadanon da pay laeng dagiti dua iti uneg ti balay, isunga naarestar da a dagus.
Binasaan dagiti otoridad ti Constitutional rights, babaen iti sarita a maawatan dagiti suspek ken nai-record ti operasyon babaen ti alternative recording device.
Naiturong dagiti suspek idiay Naguilian District Hospital para iti medical examination kalpasanna ket naipasidon da iti Naguilian Municipal Police Station para iti umno a disposisyon.
