Impalgak ni Italy Mora manipud Panama ti pudno a rason ti panag-atras na iti 73rd Miss Universe pageant.
Babaen ti social media account ti Miss Panama Organization, kinunada a binaybay-an ti organizer ti Miss Universe pageant iti pambato da.
Awanan kano daitoy iti bukod a kwarto ken kadwa na pay a matmaturog dagiti tattao a saan met a kasali iti pageant.
Malaksid iti daitoy ket awan pay ti official makeup artists a naidutok kenkuana.
Kabayatanna, saanen a nagbirok pay ti kasukat iti Panama a sumabak para iti Miss Universe 2024.
Adda iti agarop 130 a contestants ti aglalaban tapno sublaten ti korona nga ipasa ti nangabak idi napalabas a tawen a ni Sheynnis Palacios manipud Nicaragua.
