LA UNION – Nakoronaan kas Miss International 2024 iti pambato ti Vietnam a ni Huynh Thi Thanh Thuy.
Inabak na iti 70 a padana a kandidata iti 62nd edition ti pageant a naisayangkat idiay Tokyo Dome City idi rabii ti Martes.
Impasa met ni Andrea Rubio iti korona na a napangabakanna idi napalabas a tawen.
Ni Rubio iti maika–siyam a Venezuelan a babae a nangabak ti titulo ken maysa kadagiti well-traveled titleholders iti pakasaritaan ti Miss International.
Naitandudo met kas first runner-up ni Camila Ribera Roca manipud Bolivia; second runner-up ni Alba Perez ti Spain; Third runner-up ni Sakra Guerrero manipud Venezuela; ken 4th runner-up ni Sophie Kirana manipud Indonesia.
Saan met a nakastrek iti Top 20 iti pambato ti pagilian a ni Angelica Lopez.
Ni Lopez ket beterano iti tay-ak ti national ken international pageants, ket naudi a sinalipanna iti 2022 MIss Asia Global idiay Malaysia ken nagleppas iti maikadwa a puwesto.
