LA UNION – Arestado ken sumangsangon iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa a mister a siguden a simmuko kadagiti otoridad babaen ti Oplan Tokhang.
Nabigbig daytoy a ni Ronald Galano Dulay, residente iti San Eugenio, ili ti Aringay.
Immuna iti daytoy, nangisayangkat iti search operation dagiti otoridad iti pagtaengan ni Dulay ket nakumpiskar ti uppat a sachet ti shabu ken dadduma a drug paraphernalia.
Nainget met a pinaglibakan ni Dulay a kukuana dagiti nakumpiskar a kontrabando, bayat a segun iti misisna, nabayagen a nagsardeng ni mister iti panagaramatna iti illegal a droga.
Iti agdama ket agtaltalinaed iti ikut ti pulisia ni Dulay para iti umisu a disposision.
