BR LA UNION – Natay iti maysa a mister kalpasan a nabagsol iti barukong ken bukot na, bayat a mat-maturog iti uneg ti ab-abangan da a kuwarto idiay Zone 2, Barangay Catbangen, San Fernando City, La Union.
Iti biktima a maysa a 39-anyos, maysa a vendor, ken nagsagaba ti dua a bagsol iti barukong ken maysa iti bukot na.
Maibasar iti report, napasamak ti insidente idi Hulyo 7, 2025.
Maipagarop a nadiskubre laengen ti misis ti biktima, a dara-dara iti kawes ti mister na idi nakariing ken linukatanna ti silaw.
Maibasar iti inisyal nga imbestigasyon dagiti otoridad, nakasuot ti mask iti suspek ken maipagarop a dagus a naglibas kalpasan ti insidente.
Kabayatanna, iti panagresponde dagiti otoridad pakairamanan ni Dr. Alvin Ann Basangan, medical officer ti city health and wellness center, indeklara na a natayen ti biktima kalpasan ti medical examination, gaputi hypovolemic shock secondary to multiple stab wounds.
Kayatna sawen, natay iti biktima gaputi kaadu ti napukaw a dara iti bagi na kalpasan ti pammagsol.
Agtultuloy iti imbestigasyon dagiti otoridad tapno duktalen ti kinasiasino ti suspek ken motibo ti krimen.
