LA UNION – Naideklara a dead-on-arrival iti Ilocos Training and Regional Medical Center (ITRMC) babaen ti attending physician, iti maysa a lalaki a binagsol ti kina-inninom na idiay Barangay Bagbag, Bauang, La Union.
Iti biktima ket nabigbig iti nagan a Wilfredo Balangue, residente ti Barangay Sta Lucia, Aringay, La Union.
Iti met suspek ket managan Nestor Acosta, 42, addaan ti asawa, residente ti Barangay Bagbag, Bauang, La Union.
Maibasar iti police report, nagramot ti krimen gaputi bimmara a panagsinnungbat dagiti dua gaputi timpuar a saan a panagkinnaawatan kabayatan ti panaginom dagitoy iti arak, kadwa da iti dadduma pay a lallaki.
Base iti initial investigation ti Bauang PNP, nagsagaba ti multiple stab wounds iti biktima, nga isuti dagus a nakatayan daytoy.
Kabayatanna, dagus met a naglibas ti suspek kalpasan iti krimen ket daytoy ita iti nainget a sap-sapolen dagiti otoridad.
