LA UNION – Pimmanawen ti “monster ship” ti China Coast Guard (CCG) iti Escoda Sabina Shoal iti West Philippine Sea.
Pinasingkedan ni Rear Admiral Roy Vincent Trinidad, PH navy spokesperson iti West Philippine Sea, a pimmanaw iti exclusive economic zone ti pagilian ti barko a CCG nga addaan iti hull number a 5901.
Saan a indetalye nu kaano a pimmanaw ti barko ti shoal, ti Philippine Coast Guard (PCG) BRP Teresa Magbanua ti mangmonitor ken mangmantener iti presensiana iti nasao a lugar.
Agingga ita, awan pay ti naipatulod a kasukat ti monster ship.
Maipalagip a idi Hulio 3, naidestino ti higante a barko ti China iti Escoda shoal.
