BR LA UNION – Inyanunsyo ni Philippine Ambassador to the United States Jose Manuel Romualdez nga exempted iti U.S. foreign aid freeze ti administrasyon Donald Trump, iti $336 million a pondo para iti modernisasyon ti military forces ti Pilipinas.

Inwaragawag daytoy ni Romualdez iti presscon ita nga aldaw ti Lunes kalpasan a kinumpirma na, a nakaawat da ti waragawag manipud Estado Unidos seknan iti nasao nga exemption.

Iti $336 million ket paset ti $500 million a foreign military financing (FMF) nga inaprubaran ti Kongreso ti Estados Unidos idi napalabas a tawen iti sidong ti Bide administration.

Ibilang ti embahada iti nasao a desisyon, a napateg a resulta iti panangikagumaan ti pagilian a magun-od iti napintas nga alyansa iti Estados Unidos, a mangipakita ti nauneg a relasyon ti gobyerno ti Pilipinas iti administrasyon Trump.

Iti $500 million a military aid nga ipaay ti U.S. iti Pilipinas ket panangpapigsa iti military forces ti pagilian.

Iti nasao a tulong ket mangipakita ti bipartisan support manipud Kongreso ti Estados Unidos a maibilang a napateg para iti modernisasyon ti Philippine Armed Forces partikular iti maritime military forces ti pagilian kasaruno ti kumarkau a tensyon iti China, gaputi ar-aramiden a panang-harass kadagiti barko ken eroplano ti Pilipinas idiay West Philippine Sea.