LA UNION – Sinerrek manen iti adu a Chinese aircraft iti tangatang ti Taiwan.
Maibasar iti statement nga inruar ti Taiwan Ministry of National Defence, nakailista daytoy ti pakabuklan a 37 a Chinese aircraft a simrek iti airspace ti Taiwan, kabilang dagiti fighter jet, bomber, ken drone.
Tallo pulo ket innem manipud ti 37 aircraft iti nadetermina a simrek wenno bimmallasiw iti sensitibo a median line a mamagsina iti mainland China ken Taiwan.
Segun pay iti Taiwan Ministry of Defense, dagiti Chinese aircraft ket agturong idiay Western Pacific babaen iti abagatan-a-daya nga airspace ti Taiwan.
Segun met kenni Taiwan Defence Minister Wellington Koo, dagitoy ket saan a bimmallasiw iti Bashi Channel wenno kadanuman iti pungto ti abagatan ti Taiwan, ngem ketdi nag-derecho idiay Balintang Channel, maysa nga akikid a waterway iti amianan a paset ti Pilipinas ken sumagmamano a gasut a kilometro laeng ti kaadayo na manipud Babuyan Islands.
Kabayatanna, nakatuding nga isayangkat ti Taiwan iti tinawen a Wanan air defense exercise daytoy manipud July 22 agingga July 25.
Iti nasao a simulation ket kasapolan dagiti Taiwanese nga aglemmeng wenno agtalinaed kadagiti shelter a naipasadya nga inaramid ti gobyerno ti Taiwan.
