LA UNION – Umaboten ti P1.4 billion iti balor dagiti dinadael a produkto pang-agrikultura ti bagyo Kristine, maibasar iti report ti National Disaster Risk Reduction and Management Council (NDRRMC) ita nga aldaw ti Domingo.
Iti biang ti imprastruktura, umaboten iti P825 million ti balor dagiti nadadael iti intero a pagilian, ngem manayunan pay dagitoy bayat nga agtultuloy ti panag-sangpet ti report iti konseho.
Maibasar pay iti kauddian a report ti NDRRMC, umabot metten iti 25,591 a babbalay ti partially damaged ken 2,049 iti totally damaged.
Adda met ti 40 a rangtay ken 218 a kalsada iti nagpasar ti pannakadadael gaputi bagyo Kristine.
Iti panagduprak ti bagyo Kristine, naka-apektaran daytoy iti 5,784,298 nga indibiduwal ken 1,415,438 a pamilya manipud iti 8,895 a barangay iti intero a pagilian.
