LA UNION – Kinumpiskar dagiti otoridad iti nasurok P3.2-M a balor ti illegal fishing boats kalpasan ti naisayangkat a seaborne patrol operation idiay Lamon Bay .
Maibasar ti report, nasaripatpatan dagiti operatiba iti uppat nga unmarked fishing boats a nakita iti maysa a Danish seine vessels (buli-buli).
Daytoy ket maipagarop nga illegal nga agop-operate iti 12 kilometers manipud iti igid ti baybay idiay Balesin Island.
Kalpasan ti panagamiris, naamwan a saan a rehistrado dagiti uppat a fishing boats idinto a maysa a bangka ti nakalibas.
Sumango ti operator daytoy iti kaso a panaglabsing iti Republic Act 8550 wenno Philippine Fisheries Code of 1998 wenno Republic Act 8550 nga inamyendaran ti RA 10654 .
Nakumpiskar pay iti nagduduma a lames nga agdagsen ti 1.2 tons ken agbalor ti P216,000.
Naipasidong iti kustodiya dagiti otoridad dagiti mangngalap a nakalugan kadagiti nasao a bangka.
