BR LA UNION – Ni-raid ti National Bureau of Investigation (NBI) iti maysa a bodega ti bagas idiay Bocaue, Bulacan a maipagarop a karaman iti repacking ti da-an a bagas ken imported rice tapno ilako kas baro a bagas iti nangat-ngato a presyo.
Nagresulta daytoy iti pannaka-aresto ti sumagmamano nga indibidwal kabilang iti warehouse manager, 2 cashiers ken maysa nga inventory officer.
Segun kenni NBI Director Jaime Santiago, maipasidong iti inquest proceedings dagiti suspek bayat a maisap-sapinal dagiti posible a kaso a maidatag kontra kadagitoy kabilang iti economic sabotage.
Ur-urayen da laenge iti Department of Agriculture (DA) tapno madetermina iti presyo ken kaadu dagiti bagas a nadiskubre iti warehouse.
Inwaragawag met ti NBI chief nga impatungpal ti nasao a naturang raid kalpasan ti sumagmamano a bulan a surveillance sipud idi Disyembre.
Iti agdama, blangko py laeng kunana nu gangannaet wenno Pilipino ti akinkua iti na-raid a warehouse.
